പ്ലസ് വൺ വിദ്യാർത്ഥിനിക്ക് സ്കൂൾ പരിസരത്ത് പീഡനം; യുവാവ് അറസ്റ്റിൽ

This browser does not support the video element.

പ്രായപൂർത്തിയാകാത്ത പെൺകുട്ടിയെ വിവാഹ വാഗ്ദാനം നൽകി പീഡിപ്പിച്ച യുവാവിനെ നാട്ടുകാർ പിടികൂടി പൊലീസിന് കൈമാറി. കൊട്ടാരക്കര തലച്ചിറ ചരുവിള പുത്തൻവീട്ടിൽ അജിത്(20) ആണ് പിടിയിലായത്. പ്ലസ് വൺ വിദ്യാർഥിനിയായ പെൺകുട്ടിയെ സ്കൂൾ പരിസരത്തു വെച്ച് പ്രേമം നടിച്ച് പരിചയപ്പെട്ട ഇയാൾ കഴിഞ്ഞ ആറു മാസത്തോളമായി വാളകത്തെ ഒരു സ്കൂളിലെ ഗ്രൗണ്ടിനോട് ചേർന്നുള്ള ഒഴിഞ്ഞ കെട്ടിടത്തിൽ വെച്ച് പീഡിപ്പിച്ചു വരികയായിരുന്നു. ഈ മാസം വിവാഹം നടത്തുമെന്ന് വാഗ്ദാനം നൽകിയ യുവാവ് പെൺകുട്ടിയെ ബുധനാഴ്ച വീട്ടിൽ നിന്നും വിളിച്ചിറക്കി ആയൂരിൽ എത്തിച്ചു. അവിടെ നിന്നും വാളകത്ത സ്കൂളിനോട് ചേർന്നുള്ള ഒഴിഞ്ഞ കെട്ടിടത്തിൽ കാത്തിരിക്കണമെന്ന് പറഞ്ഞ് പെൺകുട്ടിയെ ബസിൽ കയറ്റിവിടുകയായിരുന്നു. വാളകത്തെ ഹയർ സെക്കണ്ടറി സ്കൂളിന് സമീപത്തെ ആൾപ്പാർപ്പില്ലാത്ത വീട്ടിൽ പെൺകുട്ടിയെയും യുവാവിനെയും സംശയാസ്പദമായ നിലയിൽ കണ്ടെത്തിയ നാട്ടുകാർ ഇവരെ തടഞ്ഞുവച്ച് വാളകം പൊലീസ് ഔട്പോസ്റ്റിൽ വിവരം അറിയിക്കുകയായിരുന്നു. കൊട്ടാരക്കര പൊലീസ് സ്‌റ്റേഷനിലെത്തിച്ച പെൺകുട്ടിയെ പോലീസ് രക്ഷിതാക്കൾക്കൊപ്പം വിട്ടു. പെൺകുട്ടിക്ക് പീഡനമേറ്റത് അഞ്ചൽ പോലീസ് പരിധിയിൽ വെച്ചാണെന്ന് ചോദ്യം ചെയ്യലിൽ വ്യക്തമായതോടെ പ്രതിയെ അഞ്ചൽ പോലീസിന് കൈമാറുകയായിരുന്നു. പിടിയിലായ അജിത് കഴിഞ്ഞ ആറ് മാസത്തോളമായി പെൺകുട്ടിയെ പ്രേമം നടിച്ച് വിവാഹ വാഗ്ദാനം നൽകി പീഡിപ്പിച്ച് വരുകയായിരുന്നെന്ന് പോലീസ് പറഞ്ഞു. പോക്സോ ചുമത്തി അറസ്റ്റ് ചെയ്ത യുവാവിനെ പുനലൂർ കോടതിയിൽ ഹാജരാക്കി റിമാന്റ് ചെയ്തു.

X

സർക്കിൾ കൊല്ലം
നമ്മുടെ നാടിന്റെ സ്വന്തം ആപ്പ്

കൊല്ലം, കരുനാഗപ്പള്ളി, കൊട്ടാരക്കര... അങ്ങനെ എല്ലായിടങ്ങളിലും 👉

കൊല്ലം ജില്ലയിലെ 2000 പേരോളം സർക്കിളിൽ! താങ്കളും ചേരൂ 👉

Install
App